(Видео) „6 месеци без правда“ – Скопје со ѕвездено небо се сети на жртвите од Кочани

На скопскиот плоштад, граѓани со т.н. „ѕвездено небо“ одбележаа шест месеци од трагедијата во Кочани каде загинаа 62 лица. Од плоштадот во Скопје, се испрати порака дека се чека правда. На единствениот транспарент, пишуваше „6 месеци без правда, Кочани“. View this post on Instagram A post shared by Скопје1 / Skopje1.mk (@skopje1mk)Дел од присутните носеа и маички „не умираме од несреќи, умираме од корупција“.Пред фонтаната, беше ставена фотографија од Андреј од ДНК, а пред него, свеќа. Една од присутните, носеше фотографија и од загинатата Надица која имаше 18 години, а под неа пишуваше „Почивај во мир, те сакам“. View this post on Instagram A post shared by Скопје1 / Skopje1.mk (@skopje1mk)

Скопје | пред 2 месеци

Росица Коцева безброј пати го пријавувала Илија за насилства и закани - детална евиденција од СВР Велес

МВР информира дека во врска со Илија Стефановски (39) од Скопје, кој го изврши двојното убиство во Велес, извршени се проверки во евиденциите во СВР Велес во врска со кривично - правни настани пријавени од 31-годишната Р.К. од Велес, при што евидентирано е следното:-На 26.01.2025 во 23:30 часот во СВР Велес, Р.К.(31) пријавила поплака против И.С.(39) од Скопје дека на улица „Христо Татарчев“ во Велес ја вознемирувал додека шетала куче. За наведеното И.С. е предупреден.-На 21.02.2025 во 01:40 часот во СВР Велес пријавила дека во периодот од 22:10 до 23:00 часот на 20.02.2025 во двор на основно училиште во Велес била физички нападната од И.С. од Скопје, со кого претходно била во врска.-На 04.ОЗ.2025 во 00:25 чaсот во Велес, полициски службеници од Полициската станица за безбедност на патниот сообраќај Велес го лишиле од слобода И.С.(39) од Скопје, постапувајќи по претходна пријава дека во ходник од станбена зграда на улица „Христо Татарчев“ во Велес, физички го нападнал И.М.(35) од Велес, додека бил со неговата пријателка Р.К.(31) од Велес. И.С. бил задржан во полициска станица, известен бил јавен обвинител и поднесен е соодветен поднесок.За претходно наведените настани, а по барање на ОЈО Велес, во врска со пријавени настани од Р.К. против И.С. за временскиот период од 27.12.2024 до 01.03.2025, до ОЈО Велес доставени се примероци од сите службени материјали-На 18.05.2025 во 14:30 часот во СВР Велес пријавила дека на неколку локации во Велес, И.С.(39) од Скопје испишал графити со навредливи и заканувачки содржини во кои директно е наведено нејзиното име и презиме и нејзиниот полубрат, како и во повеќе наврати пишувал пораки на нејзиниот татко и на нејзина пријателка преку социјални мрежи, со навредлива содржина упатени кон неа и побарала И.С. да се предупреди.До СВР Скопје е испратен службен материјал, по однос на пријавата, каде бил извршен службен разговор со И.С. кој ја негирал поврзаноста со наведениот настан, за што бил изготвен и службен материјал.-На 18.05.2025 во 05:30 часот во СВР Велес е пријавено дека на паркинг простор на улица „Петре Прличко“ во Велес настанал пожар во патничко возило „мицубиши“ со велешки регистарски ознаки, сопственост на К.К.(74) од Велес. Повредени лица нема, а пожарот е изгаснат од Територијална противпожарна единица Велес.Увид на местото изврши увидна екипа од СВР Велес. По преземени мерки е утврдено и пријавено од 31-годишната Р.К.од Велес дека во периодот од 22:00 часот на 17.05.2025 до околу 05:30 часот на 18.05.2025 возилото било одземено од пред домот на нејзиниот татко. Се работи на расчистување на случајот.-На 19.06.2025 во 14:30 часот во СВР Велес е повикана Р.К.(31) од Велес, со која е извршен службен разговор во врска со пријава од вработена во продажен објект во Велес, дека пронашла УСБ залепено на влезна врата од објектот, на кое имало слики и видео записи со експлицитна содржина од нејзе и И.С.(39) од Скопје.-На 07.07.2025 во 13:00 часот во СВР Велес била повикана Р.К.(31) од Велес, по издадена наредба од ОЈО, каде таа пријавила дека И.С.(39) од Скопје не ја почитувал мерката забрана за приближување, за во СВР Велес да приложи доказен материјал во однос на пријавата и од страна на СВР Велес материјалот е доставен во ОЈО.Од извршените проверки, евидентирана е и кривична пријава поднесена од СВР Скопје против И.С. за сторено кривично дело „телесна повреда при семејно насилство“ предвидено по член 130 став 2 од КЗ за настан случен на 27.12.2024.Исто така, извршени се и проверки во евиденциите во СВР Велес во врска со пријави од И.С. против Р.К., при што евидентирано е следното:-На 09.02.2025 во 19:20 часот во СВР Велес е повикана Р.К.(31) од Велес во врска со претходно пријавена поплака против нејзе од И.С.(39) од Скопје пријавена во Скопје и изготвен е службен материјал.-На 22.05.2025 во 14:30 часот во СВР Велес е повикана Р.К.(31) од Велес во врска со претходно пријавена поплака против нејзе од И.С.(39) од Скопје, пријавена во Скопје и изготвен е службен материјал.-На 05.06.2025 во 17:00 часот во СВР Велес е повикана Р.К.(31) од Велес во врска со претходно пријавена поплака против нејзе од И.С.(39) од Скопје, пријавена во Скопје и изготвен е службен материјал.

Македонија | пред 2 месеци

МВР со детали за убиството на Росица и нејзиниот татко: По извршеното злосторство, Илија Стефановски се самоубил

МВР со детали за фемицидот во Велес – поранешен партнер ја усмрти 31-годишната Росица и нејзиниот таткоМВР и официјално соопшти детали за последниот фемицид што вчера попладне се случи во Велес. На улицата „Кочо Рацин“ била пронајдена 31-годишната Р.К. со повреди од остар предмет. Таа била пренесена во велешката болница, каде лекарите констатирале смрт.Според првичните информации, жената заедно со својот сегашен партнер Ф.Т. дошла во домот на нејзиниот татко. Кога ја отворила вратата, била нападната со нож од нејзиниот поранешен партнер И.С. (39) од Скопје, кој ја заклучил вратата.Полицијата потоа во куќата го пронашла и нејзиниот татко К.К. (74) мртов, со повреди од остар предмет. Таму бил затекнат и осомничениот Илија Стефановски, кој исто така имал повреди, за што полицијата смета дека откако ги убил и двајцата, самиот посегнал по сопствениот живот. Подоцна починал во болницата.На местото на настанот увид извршиле јавен обвинител и екипа на СВР Велес. Телата на починатите се дадени на обдукција, а се преземаат мерки за целосно расчистување на случајот.

Македонија | пред 2 месеци

(ФОТО) Ова е Илија Стефановски, убиецот на Росица од Велес

Против Илија Стефановски, осомничен за убиството на 31-годишната Росица Коцева и нејзиниот татко Киро Коцев (74) во Велес, претходно биле поведени повеќе постапки за закани и насилство, соопшти Основното јавно обвинителство.Убиената Росица неколку пати го пријавувала Стефановски за семејно насилство и за непочитување на забраната за приближување. На 10 септември годинава тој бил условно осуден.Во мај, пак, од нејзиниот дом го одзел и го запалил автомобилот на нејзиниот татко.Случаите биле пријавувани во ОЈО Велес, а дел и во ОЈО Скопје, каде осомничениот ја пријавил Росица дека му поднесува лажни пријави со цел да му изнуди пари.

Македонија | пред 2 месеци

Мицкоски: Идентификувани 20-тина лица поврзани со пожарите

Премиерот, Христијан Мицкоски денес одговарајќи на новинарско прашање во однос на повторно подметнатиот пожар во Скопје и изјавата на министерот за внатрешни работи во кој демантираше дека постојат луѓе што палат, изјави:„Па јас сега не би навлегувал во првичната конструкција дека ме демантирал министерот за внатрешни работи, видовте утрово, се појави јасна снимка како се случува подметнување пожар во објект којшто изби утрово во 04:30 часот. Бев континуирано на линија и со градоначалникот на Општина Кисела Вода и со министерот и со луѓето од противпожарната единица на Град Скопје.Видовте како дрско се подметнува пожар и тоа е само уште еден доказ за тоа што го зборувам цело време, дека за жал, постојат центри на моќ коишто се обидуваат да внесат страв, паника кај граѓаните пред изборите. И одговорот на прашањето кому тоа му одговара, мислам дека со една многу кратка анализа ќе го добиете самите, ако направите.Денеска додека сум јас во Јегуновце, заседаваат врвот на структурите на Министерството за внатрешни работи. Идентификувани се околу дваесетина лица за коишто постои засновано сомневање дека стојат позади целиот овој процес.Истовремено имавме одредени дојави коишто ги собиравме изминативе денови и во координирана акција, Министерството за внатрешни работи со Министерството за животна средина, ќе постапува во деновите коишто следат. Така што, еве за жал, има структури коишто на ваков, би рекол, начин се обидуваат да внесат нестабилност и немир.Но како што кажав, тие ќе конструираат, ќе лешинарат, ќе подметнуваат, ние чесно ќе работиме, ќе се бориме и на крај повторно ќе победиме.“

Македонија | пред 2 месеци

Увидот за пожарот во Трубарево ќе почне утре

ОЈО соопшти дека увидот на лице место во однос на причините за пожарот во Трубарево треба да започне утре. Увидните екипи на терен ќе ги координира јавен обвинител од Основното јавно обвинителство Скопје.-По наредба на јавниот обвинител екипи на СВР Скопје и денеска излегоа на лице место со цел преземање дејствија и прибирање определени докази потребни во однос на постапката за загрозување на животна средина со отпад.Во континуитет се преземаат повеќе дејствија на обезбедување и анализа на документација.До Основниот кривичен суд Скопје е доставен предлог за продолжување на мерката краткотраен притвор за нови 48 часа за сите четворица опфатени со постапка до овој момент.

Скопје | пред 2 месеци

Ангелов по реакцијата на Шукова: „Значи сака Ромите да продолжат да живеат во депонија и да палат отпад“

Директорот на Дирекцијата за заштита и спасување, Стојанче Ангелов, се огласи по реакцијата на Шукова во однос на неговата изјава за иселувањето на Ромите од Вардариште.Во денешната реакција кандидатката за градоначалник на Скопје од СДСМ, Каја Шукова, вели: "Изјавата на Стојанче Ангелов дека Ромите во Вардариште требало насилно да бидат иселени е тешка и опасна навреда што го открива вистинското лице на оваа власт".Ова значи дека Шукова сака овие Роми да продолжат да живеат во депонија. Сака овие Роми да продолжат да палат кабли и друг токсичен отпад предизвикувајки дополнителни пожари во депонијата Вардариште со што го трујат цело Скопје. Сака узурпација и небезбедни дивоградби на државно земјиште.Чисто како информација, би било убаво кога Шукова би позборувала со претставници на неколкуте здруженија на граѓани кои се борат против загадувањето кое се шири од дивата депонија Вардариште. Притоа нека ги запраша колку пати вербално и физички се нападнати од лица кои најверојатно живеат во дивата населба во Вардариште.За крај, јас како директор на Дирекцијата за заштита и спасување и уште повеќе како човек, не се согласувам "преживувањето" на неколку десетина ромски семејства да биде ставено пред животот и здравјето на стотици илјади граѓани на Скопје кои секојдневно вдишуваат отрови настанати од согорување на кабли и друг токсичен отпад. Бидејки, за мене, животот, здравјето и безбедноста на граѓаните секогаш се на прво место, вели Ангелов во изјавата.

Скопје | пред 2 месеци

„Власта се исмева со скопјани - носител на листата е лице поврзано со Дрисла“, реакција на Штерјова

Кандидатката за советничка на СДСМ во Скопје, Кети Штерјова, остро реагираше на одлуката на ВМРО-ДПМНЕ за носител на советничката листа во Град Скопје да го постави претседателот на Управниот одбор на депонијата „Дрисла“, Даме Димитровски.„Додека скопјани со денови се гушат во канцерогени честички од пожарите во Дрисла, ВМРО-ДПМНЕ го наградува човекот кој носи одговорност за оваа состојба,“ изјави Штерјова, оценувајќи ја одлуката како „невиден скандал и навреда за граѓаните“.Таа потсети дека Димитровски, покрај функцијата во „Дрисла“, е и актуелен советник на премиерот Христијан Мицкоски за животна средина. „Тоа покажува дека власта арогантно се исмева со скопјани и ги понижува,“ додаде таа.Штерјова нагласи дека депониите продолжуваат да горат, воздухот е загаден, а, според неа, власта не презема ефикасни мерки за да ја заштити здравствената состојба на граѓаните.

Скопје | пред 2 месеци

(Фото) Ставени црвените таблички на службените возила на Гази Баба - „Нема повеќе злоупотреба“

Во дворот на Општина Гази Баба денеска беа промовирани новите регистарски таблици во боја за службените возила. Градоначалникот Бобан Стефковски заедно со директорот на СОЗР, Ивица Томовски, најавија дека мерката е дел од владин проект за јасна идентификација и спречување на злоупотреби. Ова е втор чекор по воведувањето на 24-часовен систем за следење на општинските возила, кој функционира од почетокот на мандатот.Транспарентност и одговорност на дело – за доверба која се гради со работа, а не со зборови.Денес, во дворот на Општина Гази Баба, заедно со директорот на СОЗР, Ивица Томовски, ги промовиравме новите регистарски таблици во боја на општинските службени возила.Ова е дел од владиниот проект за јасна идентификација на службените возила, а Гази Баба е една од првите општини во Македонија што ја имплементира оваа препорака.Ова е втор чекор што го преземаме во борбата против можни злоупотреби. Првиот чекор:24-часовен систем за следење на движењето на сите општински возила – воведен уште на почетокот од мандатот.Заврши времето кога службените возила се користеа како лична сопственост.Нема веќе носење на возилата дома.Нема повеќе возење без оправдана потреба.А јас – како градоначалник – четири години мандат и ниту еден ден немам користено службено возило. Тоа е личниот пример што го давам.Ние не сме тука за да ги користиме привилегиите на функцијата. Ние сме тука да му служиме на народот.И така ќе биде – сè додека ја имам довербата да бидам на оваа позиција.

Скопје | пред 2 месеци

(Видео) Нѐ евакуираше полиција, се слушаа експлозии, овде живеат и изнемоштени лица, сведочи жител на Пинтија по палењето на сервисот

Жител на скопската населба Пинтија сведочи дека утрово околу 3:40 часот го разбудила силна експлозија што потекнувала од сервис за возила во непосредна близина на неговиот дом.„Кратко потоа, за околу десетина минути, на врата ми затропаа полицајци и ме замолија да го напуштам домот поради безбедносни причини,“ раскажува тој за медиумите. View this post on Instagram A post shared by Скопје1 / Skopje1.mk (@skopje1mk)Пожарот, како што вели, предизвикал голем пламен и густ чад.„Гореа гуми, пластика, работи кои можеби се и канцерогени, тоа експертите подобро знаат. Но дефинитивно не беше пријатно за дишење, особено кога сте во непосредна близина,“ додаде жителот.Иако пожарот бил локализиран, гаснењето траело подолго време поради тоа што на повеќе места материјалите тлеле и повторно се разгорувале.„Со навремена координација на пожарникарите, пламенот беше ставен под контрола и не беше дозволено да се прошири кон куќите во околината каде што живеат луѓе,“ нагласи сведокот.

Скопје | пред 2 месеци

Обвинителството водело постапки против Илија Стефановски, убиецот на Росица и нејзиниот татко: имал условна казна, мерка за забрана и повеќе пријави за насилство

Основното јавно обвинителство Велес потврди дека против Илија Стефановски, осомничен за убиството на Росица Коцева (31) и нејзиниот татко Киро Коцев (68) во Велес, уште од почетокот на годината биле поведени неколку постапки за закани и насилство.„Основното јавно обвинителство Велес на 10.04.2025 година против осомничениот поднесе Обвинителен предлог за 2 настани:- Загрозување на сигурноста од член 144 ст.3 вв ст.1 за настан на 20.02.2025 година- Насилство од чл. 386 ст.3 вв ст.1 за настан ноќта меѓу 03.03.2025 и 04.03.2025 година со нанесена полесна телесна повреда на партнер на оштетената.Во рамките на оваа постапка, ОЈО Велес нареди и психијатриско вештачење на обвинетиот, а вештото лице се произнесе дека тој не боледува од душевна болест, бил пресметлив во моментот на сторување на делото, бил способен да го сфати значењето на своите постапки и кај него не е регистрирана патолошка опсесивност или патолошка фиксација кон оштетената.На 10.09.2025 година, Основниот суд во Велес, постапувајќи по ова обвинение изрече пресуда со која обвинетиот го огласи за виновен и му изрече алтернативна мерка – условна осуда. Притоа со решение му беа укинати другите мерки на претпазливост кои беа на сила во текот на постапката, но на сила до правосилноста на пресудата остана мерката – забрана за приближување и воспоставување контакти со оштетената и нејзиниот партнер, определена по барање на обвинителството.Оваа одлука на судот во Велес само што е примена во ОЈО Велес и обвинителството се уште немаше можност да се произнесе по неа со евентуална жалба.Во меѓувреме, на 21.05.2025 година оштетената го пријавува обвинетиот во ОЈО Велес и за неизвршување на судска одлука, бидејќи и покрај дополнителните мерки за заштита од семејно насилство изречени и во граѓанска постапка, тој не ги почитува и продолжува да и испраќа пораки и фотографии со обид да оствари комуникација со неа, а на 18.05 се приближил до нејзиниот дом и го одзел и го запалил автомобилот во сопственост на нејзиниот татко. По оваа пријава, ОЈО Велес ја испита оштетената и на 26.06.2025 година издаде наредба до МВР за обезбедување докази од телефонската комуникација, како и 4 наредби за обезбедување снимки од видео надзор од различни локации во градот. По овие наредби МВР постапува.На 25.03.2025 година оштетената го пријавува осомничениот во ОЈО Скопје за настан случен на 27.12.2024 година, кога за време и по враќање од патување во Р. Бугарија, осомничениот се обидел да ја задржи во стан во Скопје и и нанел лесна телесна повреда од чл.130 ст.2 од Кривичниот законик. Според наводите од пријавата, оштетената извесен период претходно пријавила и во МВР. Речиси истовремено, и пријавениот поднесува пријава до ОЈО Скопје со која ја товари оштетената дека му поднесува лажни пријави во МВР со цел да му изнуди пари.Иако настанот во обвинителството беше пријавен три месеци по случување, ОЈО Скопје ја прибави медицинската документација, како и другите докази за целосно испитување на настанот. Врз основа на тоа, обвинителството ја отфрли кривичната пријава за лажно пријавување поднесена од Стефановски, а по пријавата поднесена од Коцева продолжи да постапува. На 09.09.2025 година, оштетената даде исказ во ОЈО Скопје и се изјасни дека останува на предлогот за кривично гонење на осомничениот“, велат од Обвинителството.

Македонија | пред 2 месеци

Преживеаниот гитарист на ДНК: Не требаше да биде вака колеги мои

Горан Тонев, гитаристот на ДНК објави тажно сеќавање.„Поминаа 6 месеци од ноќта која што на сите ни ги промени животите...Уживавме да ја делиме сцената, насмеани и ведри како и секој наш настап, но таа вечер имаше посебна енергија како да чувствувавме дека е за последен пат.Не требаше да биде вака колеги мои... Засекогаш ќе ве носам во моето срце! Почивајте во мир“, напиша Горан.Toj беше повреден во несреќата и два месеца се лекуваше во болница во Солун...Со неговото стори на инстаграм сподели дел од заедничките моменти со бендот во кој свиреше.

Македонија | пред 2 месеци

Сум пријавувал насилство и малтретирање на жени, ми одговарале дека превентивно не дејствуваат, сведочи пасторот Галевски

По бруталното убиство на 31-годишната Росица и нејзиниот татко во Велес, теологот Никола Галевски упати остри критики кон институциите, обвинувајќи ги за неефикасност и отсуство на превентивен систем кој би можел да спречи вакви трагедии.„Росица била психички и физички сотрена, малтретирана долго време, на крајот убиена заедно со нејзиниот татко. Мојот револт е кон полицијата, кон отсуство на систем на државна заштита и превентива кое ова ќе го спречеше“, напиша Галевски, додавајќи дека како татко на ќерка уште повеќе го чувствува гневот од трагедијата.Тој посочува дека повеќе пати пријавувал случаи на насилство врз жени, но од полицијата добивал одговор дека „превентивно не дејствуваат“ и дека можат да реагираат само кога ќе се случи кривично дело. „Да резимирам: жените се незаштитени, оставени да трпат спектар на малтретирање, убивани се сѐ повеќе и повеќе, а полицијата и државата имаат улога на бирократски архивисти – да констатираат насилство и смрт,“ порача тој.Галевски изрази безрезервна поддршка на сите граѓански организации што се борат за правата и заштитата на жените, без разлика на нивната идеолошка или религиска определба. „Жената во Македонија е во подредена, дискриминирана положба по многу прашања. Трпи насилство и ја убиваат. Доста е. Мора да биде заштитена на секој начин, сега и веднаш,“ нагласи пасторот, додавајќи дека ако тоа значи да биде наречен „феминист“, со гордост ќе ја носи таа етикета.Во објавата најави и конкретен чекор – отворање засолниште за жени жртви на насилници од страна на неговата црква. „Не станува збор за жртви на ‘насилство’ како природна непогода, туку за жени кои се под закана од конкретен насилник или убиец. Со Божја помош, ќе се спасат барем неколку животи пред да биде предоцна,“ порача Галевски.

Коментари | пред 2 месеци

(Видео)Вечерва собир на плоштадот во Скопје во знак на сеќавање на жртвите од Кочани, поминаа шест месеци

Движењето „Кој е следен“ за вечерва најави собир на плоштадот во Скопје, по повод шест месеци од трагичниот пожар во дискотеката „Пулс“ во Кочани, во кој животот го загубија 62 млади лица. Настанот ќе започне во 20:16 часот.„Она што се случи не беше несреќа, ниту трагедија, туку масакр – свирепо убиство предизвикано од нефункционалните институции и партискиот систем,“ стои во најавата на организаторите. Тие додаваат дека вторник вечер е време за „тивок собир и ѕвездено небо“, со порака дека болката мора да ја почувствуваат сите заедно.„Вака веќе не може. Не смееме да отрпнеме. Таа болка треба да нѐ разгневи и да нѐ мотивира за акција. Најважно е да не престанеме да се бориме за вистината, да не останеме неми пред неправдата и секој на свој начин да ја преземе одговорноста,“ се нагласува во повикот.

Македонија | пред 2 месеци

(Видео) Целосна снимка: Во Пинтија гореле автомобили и масло, се гаснело два часа

Стаклара, во местото познато како Каменик. Во објектот имало повеќе автомобили, масло и други запаливи предмети, што придонело за брзото ширење на огнот и сложеноста на интервенцијата.Екипите на Бригадата за противпожарна заштита – Скопје веднаш излегле на терен и интервенирале со осум возила. По речиси двочасовна борба, пожарот бил ставен под целосна контрола и изгаснат пред 6 часот изутрина.„Пожарот беше тежок за гаснење поради големото количество масло и запаливи материјали во сервисот, но навремената реакција спречи поголема катастрофа“, соопшти директорот на Дирекцијата за заштита и спасување, Стојанче Ангелов. View this post on Instagram A post shared by Скопје1 / Skopje1.mk (@skopje1mk)

Скопје | пред 2 месеци

Ангелов: Нов пожар на „Дрисла“, изгаснат за еден час

Синоќа пред 23 часот повторно избувнал пожар на депонијата „Дрисла“, но овој пат на нова локација, подалеку од местото кое беше активно претходните денови, објави директорот на Дирекцијата за заштита и спасување, Стојанче Ангелов.Тој посочува дека на терен веднаш интервенирале скопските пожарникари кои започнале со гаснење, но поради специфичноста на огнот било потребно и затрупување на опожарената површина. За таа цел биле активирани градежни машини кои веќе биле распоредени на депонијата, а нивните возачи брзо пристигнале на местото.„Еден час подоцна пожарот беше изгаснат и затрупан, со што беше спречено негово ширење кон главнината на депонијата“, објави директорот на Дирекцијата за заштита и спасување, Стојанче Ангелов.

Скопје | пред 2 месеци

„Главна тема им е загадувањето“ – Ѓорѓиевски со сомнеж за политичка кампања преку пожарите

Орце Ѓорѓиевски, актуелен градоначалник на Кисела Вода и кандидат за градоначалник на Град Скопје од ВМРО-ДПМНЕ за претстојните локални избори беше гостин во „Утринско еспресо“ на Радио Лидер. Меѓу останатото, Ѓорѓиевски зборуваше за актуелните случувања околу пожарите.„Ние имаме прво борба со нелуѓе коишто за да профитираат политички се во состојба да загрозат и човечки животи. Треба објективно да погледнеме. Тоа и претседателот на Владата го кажа вчера, кој од сето ова профитира, и на кого му одговара ваква состојба да го доведе народот во заблуда и ова да биде главна тема“, рече Ѓорѓиевски.Ѓорѓиевски истакна дека доколку беше еден ваков случај, тогаш може да се прават разни претпоставки, но според него, иако тој додаде дека има институции надлежни за истото, истрагата треба да биде насочена и да се открие кој профитира од овие настани.„Еве ако немаше на другите позиции материјален доказ, сега има материјален доказ. И евидентно е дека треба истрагата да оди во насока да се види на кого сето ова му одговара. Да се случеше еден случај ваков, и да имаше снимка од тој случај тогаш можеме ние разни претпоставки да имаме која е причината за сето тоа“ кажа Ѓорѓиевски и додаде:„Последователно во период од 20 дена кадешто на одредени политички партии и групации, главна кампања им е загадувањето во Скопје за којшто имаа шанси години наназад да извлијаат и да ја подобрат состојбата. Тоа да им биде целодневна преокупација, и само за истото да говорат и да имаат по неколку јавни настапи, тогаш мислам дека јасно треба да ни е на сите. Само објективно согледувам кои се фактите и кој од ова може да профитира. На кого ова му оди во прилог“, заклучи Ѓорѓиевски.

Скопје | пред 2 месеци

„Ангелов покажа врв на нечовечност со изјавата за насилно иселување на Ромите“, реагира Шукова

Изјавата на Стојанче Ангелов дека Ромите во Вардариште требало насилно да бидат иселени е тешка и опасна навреда што го открива вистинското лице на оваа власт, оцени кандидатката за градоначалник на Скопје на СДСМ, Каја Шукова.Оваа изјава на Стојанче Ангелов е тешка и опасна навреда за Ромите и го открива вистинското лице на оваа власт. Со кое право Ангелов кажува дека Ромите кои живеат во Вардариште требало „на сила да бидат иселени“? Ова е врв на нечовечноста, но и злоупотреба на луѓе од најниските слоеви за да се оправда нивната неспособност да направат нешто за да се спречат пожарите.Ангелов и Тошковски во немоќ ниту да спречат, ниту да откријат виновници, а уште помалку да најдат исправно и хумано решение за луѓето, напаѓаат и дискриминираат цела заедница. Откако целата Влада излезе со различни ставови за тоа кој пали и кои се причините, откако сами себе се демантираат веќе цели два дена, сега конечно најдоа начин да се бранат со оцрнување и етикетирање.Ова не е резултат на ништо друго, туку на неспособност, ароганција и гнев заради сопствените неуспеси. Граѓаните на Скопје треба да знаат дека локалните институции имаат задача да најдат решение за проблемот, а ВМРО-ДПМНЕ цели четири години не најде решение, ниту воопшто работеше на тоа. Фатени во криза од својата неспособност, не им останува друго освен да измислуваат странски центри и да напаѓаат луѓе на кои и онака животот им е многу тежок.

Скопје | пред 2 месеци

(Видео) Снимка од палењето на сервисот во Пинтија, еве како е подметнат пожарот ноќеска

Скопје1 дојде до снимка од палењето на сервисот за возила во Пинтија, што утрово целосно изгоре. На видеото јасно се гледа лице облечено во дуксер со качулка како ја прескокнува оградата и како со канта полева бензин врз паркираните автомобили, по што настанува експлозија и пламените брзо го зафаќаат објектот. View this post on Instagram A post shared by Скопје1 / Skopje1.mk (@skopje1mk)Потсетуваме, пожарот избувна ноќеска нешто пред 04 часот во сервисот лоциран над Стаклара, во местото викано Каменик. Во објектот имало повеќе возила и запаливи материјали, што придонело огнот брзо да се прошири. Екипи на Противпожарната бригада на Скопје со осум возила интервенирале на терен и успеале да го стават пожарот под контрола пред шест часот.Од Дирекцијата за заштита и спасување утрово информираа дека немало повредени лица, но материјалната штета е огромна.Со новата снимка, истрагата добива сосема поинаков тек, бидејќи се потврдува дека станува збор за намерно подметнат пожар. Полицијата работи на идентификување на лицето што се гледа на видеото.

Скопје | пред 2 месеци

(Видео) Израел ја интензивира офанзивата во Газа – масовни евакуации и предупредувања за краток рок за примирје

Израелските воени авиони изведоа речиси непрекинати напади врз градот Газа во текот на ноќта, поддржани со артилериски оган, јави палестинската новинска агенција WAFA. Според палестински медиуми, израелски тенкови подоцна навлегле во делови од градот каде сè уште престојуваат стотици илјади луѓе, иако официјална потврда од израелската армија засега нема.Во меѓувреме, Израелските одбранбени сили (ИДФ) соопштија дека повеќе од 350.000 Палестинци досега го напуштиле градот Газа и се евакуирале во други делови од Појасот. Според извор од израелската одбрана, на кој се повикува „Тајмс оф Израел“, илјадници жители заминале токму во изминатата ноќ, а бројот на бегалците се очекува дополнително да расте како што напредува копнената офанзива против Хамас. Happening Now.Hamas is getting pummelled tonight in Gaza City.I stand with Israel in the fight against Islamist Terrorism. pic.twitter.com/0lW0iagpk2— Kosher🎗 (@koshercockney) September 15, 2025 Се проценува дека пред почетокот на израелската операција во градот Газа живееле околу еден милион Палестинци. Минатата недела армијата им издаде наредба за евакуација на сите жители, упатувајќи ги кон „хуманитарна зона“ на југот од Појасот. Палестинските медиуми јавуваат дека токму ноќеска во градот бил извршен најсилен бран воздушни напади досега.Во вакви услови, американскиот државен секретар Марко Рубио предупреди дека Хамас има само неколку дена за да се согласи на договор за прекин на огнот, бидејќи Израел веќе започнал особено жестоки операции врз градот. „Израелците започнаа операции таму. Затоа веруваме дека имаме многу краток временски рок за да постигнеме договор со палестинската исламска група,“ изјави Рубио пред новинарите.По посетата на Израел, тој отпатува за Катар, додавајќи дека шансата за договор останува отворена „само неколку дена, можеби неколку недели“.

Свет | пред 2 месеци

СДСМ: Мицкоски да одговара за ширење страв и паника по признанието на Тошковски

Социјалдемократскиот сојуз денеска реагираше на интервјуто на министерот за внатрешни работи Панче Тошковски во емисијата „360 степени“, во кое тој изјави дека нема докази за постоење на домашни или странски центри на моќ кои стојат зад неодамнешните пожари, меѓу кои и оној во Трубарево.Од СДСМ велат дека ова признание директно ги демантира претходните тврдења на премиерот Христијан Мицкоски дека во позадина на пожарите стојат организирани структури. Според партијата, со тоа се потврдува дека јавноста била доведена во заблуда и дека биле ширени неосновани стравови.„Со своите изјави, Мицкоски без факти и докази ја злоупотребил безбедносната состојба во државата и намерно предизвикал страв и паника кај граѓаните,“ наведуваат од СДСМ, додавајќи дека премиерот треба да сноси одговорност.Во реакцијата се посочува и дека „ваква злоупотреба на институциите и нивно користење за политички поени претставува закана по граѓаните и по државата во целина“.Мицкоски досега не се има јавно произнесено по последните изјави на министерот Тошковски.

Македонија | пред 2 месеци

(Фото) Изгореа автомобили во сервис за возила во Пинтија

Пожар рано утрово избувнал во сервис за возила пред Пинтија, над Стаклара во местото викано Каменик. Во сервисот имало повеќе автомобили, масло за автомобили и запаливи предмети.Дирекцијата за заштита и спасување информира дека пожарот избувнал пред 04 часот и дека е изгаснат пред шест часот.– Рано утрово пред четири часот изби тежок пожар во сервис за возила пред Пинтија (над Стаклара во метстото наречено Каменик) во кој имаше повеќе автомобили, уље и други запаливи предмети. БППЗ Скопје веднаш излезе на лице место и со 8 возила после тешка борба со огнот, пожарот беше изгаснат пред шест часот – информираа од ДЗС.Фотографии објави и градоначалникот на Кисела вода и кандидат за градоначалник на Скопје, Орце Ѓорѓиевски-После целовечерна борба со три пожари во Скопје, утринско кафе со командирот на Противпожарната бригада, Звонко - вистински чувари на градот и наши херои!Во продолжение на неколкудневните пожари во градот, оваа ноќ во 04:00 часот беа запалени два сервиси за автомобили во Стаклара.Благодарение на брзата реакција на противпожарната бригада, пожарот е целосно згаснат.Иако има материјална штета, за среќа нема повредени и жртви.Ова што се случува е повеќе од случајност, ова е алармантно!Некој упорно го потпалува градот, а за тоа ќе мора да има одговорност.Повикувам на итно постапување на МВР и Јавното обвинителство, ова мора да запре!

Скопје | пред 2 месеци

Државјани на Белорусија уапсени по соборување на дрон над Варшава

Полските безбедносни служби во понеделникот вечерта соборија дрон што летал над повеќе значајни владини објекти во Варшава, а во акцијата беа приведени двајца државјани на Белорусија.Како што соопшти премиерот Доналд Туск преку социјалната мрежа „Икс“ (X), дронот бил забележан над областа со владините згради на улицата Парков, како и над палатата Белведере, по што бил неутрализиран од страна на Државната служба за безбедност. Веднаш потоа полицијата ги привела осомничените лица, а надлежните институции започнаа истрага за случајот.Настанот доаѓа помалку од една недела откако полската армија собори 19 руски беспилотни летала во близина на украинската граница – инцидент кој беше оценет како најтежок од почетокот на руската целосна инвазија врз Украина пред повеќе од три години.Москва негира дека нејзини дронови го повредиле воздушниот простор на НАТО, но Алијансата сепак реагираше со голема воена операција за зајакнување на источната граница, наречена „Источна стража“, која предвидува прераспоредување на војска и опрема.Во Полска расте стравувањето дека војната може да се прелее од Украина, па сè погласни се повиците НАТО да го затвори украинското небо и да обезбеди воздушна заштита.Од руска страна, пак, предупредуваат дека таков потег би претставувал фактички почеток на директна војна меѓу Русија и НАТО. Во меѓувреме, Русија и Белорусија спроведуваат заеднички воени маневри во близина на Минск.фото: Unsplash

Свет | пред 2 месеци

Денеска марш на ангелите во Кочани – шест месеци од трагедијата во „Пулс“

Денеска се навршуваат шест месеци од големата трагедија што на 16 март годинава го потресе Кочани и целата држава, кога во пожарот што избувна во дискотеката „Пулс“ животите ги загубија 62 млади лица. Несреќата се случи во доцните вечерни часови, а огнот за кратко време го зафати целиот објект, оставајќи зад себе пустош и незамислива болка кај семејствата на жртвите и жителите на градот.Во спомен на загинатите, денеска ќе се одржи традиционалниот „Марш на ангелите“. Поворката ќе започне во 15:35 часот од „Паркот на Револуцијата“ и ќе се движи по претходно утврдената патека – покрај општинската зграда, УЈП, полициската станица, кочанскиот суд и Јавното обвинителство, а ќе заврши повторно во паркот.Во саботата, пак, семејствата и најблиските одржаа помен на вечното почивалиште на младите чии животи беа прекинати прерано. Трагедијата остави длабока трага во колективното сеќавање на граѓаните, кои и денеска со маршот ќе ја испратат пораката дека болката е голема, но и дека споменот на нивните најмили никогаш нема да згасне.

Македонија | пред 2 месеци

Надлежните институции уверуваат: Во Трубарево се е ставено под контрола

Во Министерството за животна средина и просторно планирање денеска се одржа брифинг со медиумите за состојбата по пожарот во складиштето за електронски отпад во Трубарево.Министерот Изет Меџити заедно со директорот на Управата за животна средина, Игор Никоски, директорката на Државниот инспекторат за животна средина, Ивана Гиновска, и ректорот на Универзитетот „Гоце Делчев“ – Штип, проф. д-р Дејан Мираковски, ги презентираа првичните информации.Надлежните институции информираа дека екипи биле на терен од првиот момент, презеле соодветни мерки и редовно ја известувале јавноста. Опожареното место е затрупано со песок за да се спречи понатамошно тлеење на опасни материи. Очекувањата се официјалните лабораториски резултати да бидат достапни до петок.Проф. д-р Мираковски посочи дека тимот од лабораторијата АМБИКОН при УГД – Штип веќе поставил мерни станици за мониторинг на квалитетот на воздухот и дека во рок од една недела ќе се добијат првични резултати.Министерството ќе ја информира јавноста веднаш по добивањето на сите анализи.

Македонија | пред 2 месеци