ДУИ: Меџити не знае за одговорност, туку само за личен интерес

ДУИ остро го критикуваше министерот за животна средина и кандидат за градоначалник на Чаир, Изет Меџити, обвинувајќи го дека во најкритичните моменти за граѓаните на Скопје не покажал никаква одговорност.„Додека воздухот во Скопје мирисаше на отров, Изет Меџити, кој очигледно заборавил дека е министер за животна средина, не кажа ниту збор. Не излезе пред јавноста, не даде препораки, не понуди информации, не упати ниту еден апел. Кога граѓаните стравуваа за своето здравје, нему му беше најважно да пренесува во живо партиски настан во Чаир, како ништо да не се случува“, соопштија од партијата.ДУИ прашува зошто Меџити избегнал од вонредната прес-конференција додека жителите на Трубарево се евакуираа во доцните часови и дали има „грам одговорност за позицијата што му е доверена“.Од партијата потсетуваат дека Меџити повеќе од две децении во Чаир, според нив, „работел исклучиво за лични интереси, без вистинска грижа за граѓаните“.„Како што вчера не мрдна со прст да помогне и да покаже дека е лидер и одговорен политичар, така и изминатите две децении во Чаир бегаше од проблемите и ги тераше своите бизнис-интереси. Со луѓето се среќаваше само пред избори. Затоа Чаир денес изгледа запуштено, небезбедно и заборавено“, додаваат од ДУИ.Партијата уверува дека на 19 октомври, жителите на Чаир ќе му го покажат црвениот картон на Меџити, затоа што, како што наведуваат, „време е политиката на неодговорност и себичност конечно да стане минато“.

Македонија | пред 2 месеци

Нема фотографија

Како ќе реагира Европа на ултиматумот на Трамп?

Американскиот претседател Доналд Трамп во саботата им упати ултиматум на сојузниците во НАТО, барајќи САД да воведат „големи“ санкции кон Русија само доколку сите членки се обврзат на истото и престанат да купуваат руска нафта. Како што јавува CNN, исполнувањето на ваквиот услов би претставувало голема промена во рамките на Алијансата, а отворено останува прашањето дали постои заеднички интерес за вакви чекори.„Подготвен сум да воведам големи санкции кон Русија кога сите земји членки на НАТО ќе се договорат и ќе почнат да го прават истото, и кога сите ќе престанат да купуваат руска нафта. Само кажете кога!“, напиша Трамп на социјалните мрежи, цитирајќи делови од писмото упатено до неговите колеги во НАТО. Тој порача дека купувањето руска нафта од одредени земји е „шокантно“ и дека тоа ја ослабува преговарачката моќ на сојузот.Претседателот упати и дополнително барање: НАТО да воведе високи царини од 50% до 100% на стоките од Кина, кои би биле укинати по завршувањето на војната во Украина. Трамп смета дека ваквата мерка би го забрзала крајот на, како што го нарече, „смртоносниот, но смешен“ конфликт.Европската унија веќе има забрана за поморски увоз на руска нафта и деривати, но дел од земјите и натаму купуваат руски фосилни горива, особено течен природен гас. Дополнителен притисок претставува и фактот што Трамп во своето обраќање не спомена Индија, иако претходно бараше воведување царини и кон неа. Ова го усложнува односот, бидејќи ЕУ е во завршна фаза на трговски преговори со Индија.Со своите барања упатени кон НАТО, а не кон ЕУ, Трамп ги вклучи и земјите како Турција – еден од најголемите купувачи на руска нафта – што дополнително ја нагласува тежината на условите.Во меѓувреме, Русија не покажува знаци на деескалација. Романското министерство за одбрана соопшти дека во саботата пресретнало руски дрон кој влегол во нивниот воздушен простор за време на нападите врз Украина. Украинскиот претседател Володимир Зеленски предупреди дека тоа не е „случајност или грешка“, туку намерно ширење на конфликтот.Инцидентот доаѓа само неколку дена по упадот на руски дронови во полскиот воздушен простор, што ја натера НАТО да најави засилување на одбраната на источниот фронт. Американскиот државен секретар Марко Рубио го оцени случајот како „неприфатлив и опасен развој на настаните“.Европските лидери сега се соочуваат со двоен притисок – од една страна ултиматумот на Трамп, а од друга страна постојаната ескалација на руските провокации. Како ќе реагира Европа на оваа нова динамика, останува отворено прашање.

Свет | пред 2 месеци

(Видео) Се појави Меџити во Трубарево: Фирмата има 10 годишна дозвола добиена пред четири години, загаденоста се мери

На десетина минути пред четири часот утрово, министерот за животна средина, Изет Меџити, до медиумите прати изјава снимена во Трубарево. Ова доаѓа откако попладнето, додека Скопје се труеше од пожарот во складот каде гореше опасен отпад, тој беше на партиски настан во Чаир. View this post on Instagram A post shared by Скопје1 / Skopje1.mk (@skopje1mk)„Пожарот разбирливо предизвика загриженост. Фирмата има 10 годишна дозвола добиена во 2021 година. Повикувам за доверба во институциите. Министерството за животна средина со сите институции веднаш реагиравме и се е под контрола. Сите податоци од мерењето на квалитетот на воздухот ќе бидат јавни“, вели Изет Меџити, министер за животна средина.https://skopje1.mk/archives/348215https://skopje1.mk/archives/348256

Скопје | пред 2 месеци

(Видео) Снимки од утринава: пожарот во Трубарево е под контрола, спасени околни објекти

Пожарот што вчера избувна во магацин за отпад во скопската населба Трубарево е ставен под целосна контрола, информира директорот на ЦУК, Стојанче Ангелов. Според него, активно горење повеќе нема, но сѐ уште има силно чадење кое се пробива низ земјата и песокот на затрупаните делови, а останува да се дозатрупа уште еден дел од опожарената површина.Ангелов објави дека деталите ги пренесува преку видео-изјава снимена на самото место, додавајќи дека благодарение на брзата и пожртвувана реакција на скопските пожарникари и добро организираната акција, успеале да спасат неколку објекти чии дворови, но и самите објекти, биле полни со пластичен отпад. View this post on Instagram A post shared by Скопје1 / Skopje1.mk (@skopje1mk)

Скопје | пред 2 месеци

(Видео) Снимки од моменталната состојбата во Трубарево каде гори складиштето

Претставници на институциите и вечерва се присутни во кругот на складиштето „Ф-Групација“, каде продолжува гаснењето на големиот пожар што избувна доцна вчера и во кој гори канцероген отпад. Потрупувањето со ситна песок, според надлежните, дава резултати – ширењето на огнот е спречено, а пожарот се држи под контрола. View this post on Instagram A post shared by Скопје1 / Skopje1.mk (@skopje1mk)На терен се работи со засилено темпо. Покрај министерот за внатрешни работи, Панче Тошковски, на местото присуствуваа и скопските градоначалници, меѓу кои претседателот на ЗЕЛС и градоначалник на Кисела Вода, Орце Ѓорѓиевски. Обезбедена е дополнителна механизација и ситна песок за поефикасна работа на екипите. Во гаснењето учествуваат и противпожарни единици од повеќе градови.Во полициска станица во моментот се наоѓаат три лица поврзани со фирмата, кои даваат искази за околностите на пожарот. Постои сомнеж дека огнот е подметнат, а директорот на ЦУК, Стојанче Ангелов, случајот го оцени како „хибридна војна“.На сите лица кои активно учествуваат во гаснењето им беа поделени заштитни маски поради високото загадување на воздухот предизвикано од согорувањето на отпадот.

Скопје | пред 2 месеци

(Видео) Новинарите го бараа министерот за животна средина

Министерот за здравство, Азир Алиу, прашан каде е минситерот за животна средина, Изет Меџити, кој наместо во Труберво каде гореше токсичен отпад беше на партиски настан, изјави дека материјалот од местото на пожарот е земен од акредитирана институција и најави дека официјалните резултати ќе бидат објавени во понеделник.„Од акредитирана институција е земен материјалот. До понеделник ќе имаме официјални резултати. Ќе ве известиме на прес-конференција“, рече Алиу.Министерот за внатрешни работи, Панче Тошковски, потврди дека повеќепати разговарал со претставници од Министерството за животна средина, меѓу кои и со самиот министер и неговиот заменик.„Да, госпоѓо, кажав, неколку пати разговарав со министерот за животна средина, со заменик министерот за животна средина. Со луѓе за животна средина“, истакна Тошковски.Новинарите инсистираа да добијат одговор зошто ресорниот министер Изет Меџити не е присутен и зошто не се обраќа по повод еколошката катастрофа, на што Тошковски одговори: „Обратете му се, прашајте го, ви кажав дека неколку пати разговарав“.https://skopje1.mk/archives/348215

Македонија | пред 2 месеци

МВР влегува од куќа во куќа во Трубарево и евакуира: Жителите во радиус од 150 метри мора итно да ги напуштат домовите

Министерот за внатрешни работи Панче Тошковски соопшти дека полицијата од куќа во куќа ги известува жителите во најризичната зона околу пожарот дека треба да се евакуираат.„Припадници на МВР од куќа во куќа влегуваат и им кажуваат дека треба да ги напуштат. Најризичен периметар се на 150 метри од местото на пожарот. Веднаш се упативме кон домовите на луѓето. Министерството за здравство даде препораки за вакви кризни ситуации“, изјави Тошковски.Тој прецизираше дека на 150 метри од огништето е утврдено високо ниво на опасност. „Од 150 до 200 метри е средно ниво на опасност. Од 200 до 400 метри е ниско ниво на опасност. Над 400 метри не се утврдени загадувања кои би биле штетни. Тоа се информациите кои ги добивме“, додаде министерот.

Скопје | пред 2 месеци

Се очекуваат нови пожари, оваа Влада има поголема проактивност со пожарите, рече Ангелов

Директорот на Дирекцијата за заштита и спасување, Стојанче Ангелов, изјави дека сегашната Влада презела поинаков пристап во справувањето со пожарите и депониите во однос на претходната власт.„Морам да укажам дека претходната Влада во овој дел мене не ми давала задолженија, така што депониите ги немам работено како ЦУК. Депониите ги работеше локалната самоуправа. Оваа Влада направи чекор понатаму, именувајќи ме за командант. Оваа Влада покажува поголема проактивност од претходната Влада во однос на пожарите. И во претходната Влада сум имал одврзани раце, сум кажувал. Но сега има повеќе“, рече Ангелов.Тој нагласи дека последните пожари претставуваат хибриден настан: „Избувнаа денеска два пожари. Едниот во семенара каде имало пластичен отпад и во Трубарево, а сето ова додека гори Дрисла“, рече Ангелов, најавувајќи дека се можни и нови напади.„Очекуваме и нови напади (пожари), ќе се смири ситуацијата. Освен Јасен, немавме друга катастрофална состојба. Дојдете еднаш, посетете еден пожар“, додаде Ангелов.

Македонија | пред 2 месеци

(Видео) Тошковски: „Не ми е срам што работам за својот народ, срам ми е што со години немаме капацитети“

Министерот за внатрешни работи Панче Тошковски изјави дека е на терен од првите моменти и дека презема сѐ што е во негова моќ за справување со катастрофалните пожари.„Бев во Оризари кај едно дете загинато во пожарот во Кочани, па во Кочани и запалив свеќе кај секое дете кое загина. Потоа од 16 часот сум овде и имавме состаноци со кризниот штаб, ЕБР, Специјалната единица, ПП единицата, Форензика, Крим техника... Преземам сѐ за да се справиме. Во контакт сме со домашни и меѓународни експерти. Дали ми е срам што работам за својот народ? Не“, рече министерот.На новинарско прашање дали се срами што е запалена депонијата Дрисла, Тошковски истакна дека таа се пали со години.„Срам ми е што морам да кажам дека ние со години немаме капацитети какви што треба да имаме. Но, не ми е срам што работиме со сите капацитети кои ги имаме“, додаде тој.

Македонија | пред 2 месеци

(Видео) Вонреден прес на Тошковски: Пожарот во Трубарево е локализиран, нема страв од ширење – жителите во близина да ги напуштат домовите

Министерот за внатрешни работи Панче Тошковски информира дека пожарот кој избувна е ставен под контрола и дека на терен се ставени сите расположливи ресурси. Според него, гаснењето се одвива со ситна песок, а пожарот е локализиран и нема опасност од негово понатамошно ширење. Тошковски рече „вакви катастрофи се живото-загрозувачки“.„Радиационо зрачење нема. Во непосредна близина на пожарот има висока загаденост со штетни супстанци. На 400 метри од пожарот, не е евидентирано загадување. Препорачуваме на жителите кои се во непосредна близина да ги напуштат своите домови. Затоа се ставени на располагање капацитетите на Центарот за обука кој е во непосредна близина“, изјави Тошковски.Тој додаде дека во моментов се вршат разговори со три лица во полициска станица со цел да се утврдат причините и околностите за избивањето на пожарот.„Ваков тип на пожари не се изолиран случај кај нас. Ги имало во Литванија, Белгија, Велика Британија. Тоа укажува дека пожарот е глобален проблем и бара стандардизиран пристап со управување на ваков тип на отпад“, рече министерот.Тој и самиот призна дека гаснењето на овој пожар ќе трае.„Има 500 степени на 50 метри, воздушно од самиот пожар. Овде горат батерии... и за справување со истите бара посебен начин на делување. Од странски експерти беше препорачано затрупување со ситна песок“, додава министерот.

Македонија | пред 2 месеци

„Стоп Вардариште“ најави утрински протест и блокада на мостот „Близнаци“

Иницијативата „Стоп Вардариште“ ја информира јавноста дека во понеделник, 15 септември 2025 година, освен закажаниот протест во 18:00 часот, ќе се одржи и утрински протест со почеток во 07:30 часот. Протестот ќе биде со блокада на мостот „Близнаци“ кој ги поврзува општините Аеродром и Гази Баба.Од иницијативата велат дека на овој чекор се одлучиле поради, како што нагласуваат, игнорантскиот однос на надлежните органи кон нивните барања и сѐ поголемото труење на граѓаните предизвикано од депонијата Вардариште.Организаторите ги повикуваат работодавците да покажат разбирање и толеранција кон вработените кои евентуално ќе задоцнат на работа тој ден поради блокадата.„Овој протест е апел за здравје, живот и иднина на сите скопјани. Нема да застанеме додека не се преземат конкретни мерки за конечно затворање на Вардариште“, порачуваат од иницијативата.

Скопје | пред 2 месеци

Ѓорѓиевски од терен: Во овој момент сведочиме на ужас кој не смее да се повтори

Градоначалникот на Општина Кисела Вода и кандидат за градоначалник на Скопје, Орце Ѓорѓиевски, соопшти дека заедно со своите колеги е на терен од почетокот на големиот пожар што ја зафати околината на главниот град.„Во овој момент сведочиме на ужас кој не смее да се повтори, огромен пожар ја уништува животната средина и директно го загрозува здравјето на скопјани. Од самиот почеток, заедно со моите колеги Бобан и Дејан сме на терен и даваме сѐ од себе за да го ставиме под контрола овој разбеснет оган“, напиша Ѓорѓиевски на социјалните мрежи.Тој информира дека ангажирале општествено одговорни компании кои со машинерија и песок помагаат во затрупувањето, а во акцијата учествуваат и екипи на Противпожарната служба од Скопје и на Министерството за внатрешни работи. „Се користат сите расположливи сили за ставање под контрола на оваа катастрофа“, додаде тој.Ѓорѓиевски порача дека пожарот е „злосторство против народот и здравјето на луѓето“ и апелираше до институциите да постапат итно и безмилосно. „Скопје и неговите граѓани не смеат да се гушат во чад и отров. Ние остануваме на терен со луѓето сѐ додека пожарот целосно не биде изгаснат“, истакна тој.

Скопје | пред 2 месеци

(Видео) Снимки од моменталната борба со огнот во Трубарево - пожарот и натмау беснее

Со градежна механизација се потрупува локацијата каде половина ден беснее пожар. Ова е најбрз начин за да се гасне дел по дел локацијата. Вака се постапуваше и кога гореа други депонии во Скопје.Таму се присутни повеќе противпожарни бригади, со опрема и возила за гаснење. На терен не делуваат хеликоптерите и ер-тракторите бидејќи е ноќ. Истовремено се носи и ситна песок за гаснење.Главната цел, покрај гаснењето, е пожарот да не се рашири.Таму се присутни полициски службеници, но и неколку скопски градоначалници како Бобан Стефковски, Орце Ѓорѓиевски, Дејан Миткоски.. View this post on Instagram A post shared by Скопје1 / Skopje1.mk (@skopje1mk)

Скопје | пред 2 месеци

Се дистрибуираат заштитни маски на жителите на Трубарево

Министерството за здравство, во координација со Институтот за јавно здравје, обезбеди 2.000 заштитни маски N95 кои вечерва ќе бидат дистрибуирани до жителите на скопското село Трубарево.Маските се ставени на располагање од ЈЗУ Универзитетска клиника за инфективни болести и фебрилни состојби, а дистрибуцијата ќе се реализира со поддршка на тимови од јавните претпријатија и Општина Гази Баба.Со оваа мерка се обезбедува навремена поддршка за локалното население, со цел намалување на непосредната изложеност на загадениот воздух предизвикан од пожарот.На лице место се присутни и две возила на итната медицинска помош, подготвени да интервенираат и да укажат соодветна здравствена помош како на пожарникарите, така и на граѓаните доколку имаат потреба.„Наш приоритет е заштитата на здравјето на граѓаните, особено во вакви кризини ситуации. Министерството и Институтот за јавно здравје ќе продолжат со координирани активности за да се обезбеди соодветна помош и поддршка на сите засегнати“, рече министерот за здравство, Азир Алиу.Министерството за здравство и Институтот за јавно здравје ќе ја следат понатамошната состојба, со цел навремено преземање на сите потребни мерки за заштита на граѓаните.

Скопје | пред 2 месеци

Доктор Чибишев алармира: Екстремно токсични гасови од пожарот со електронски отпад можат да го загрозат здравјето

Доктор Андон Чибишев изрази сериозна загриженост поради пожарот во фабриката за рециклирање електронски отпад, посочувајќи на високите здравствени ризици кои произлегуваат од согорувањето на ваков вид материјал.„Сериозно ме вознемири веста дека е запалена фабрика за рециклирање на електронски отпад. При горење на електронски отпад се ослободуваат голема количина на екстремно токсични гасови кои содржат јаглерод моноксид, јаглерод диоксид, флуороводород и пареи од тешки метали како олово, жива, кадмиум и арсен“, предупреди доктор Чибишев.Тој истакна дека овие гасови можат сериозно да го загрозат здравјето на децата, бремените жени и хроничните болни лица, особено оние со срцеви, белодробни и малигни заболувања.„Апелирам граѓаните да ги затворат прозорците, да не излегуваат надвор без посебна потреба и сите кои имаат во домовите прочистувачи на воздух да ги пуштат да работат со најголем капацитет“, додаде Чибишев.Апелот доаѓа во момент кога јавноста е вознемирена од серијата пожари во Скопје и околината, кои предизвикуваат ширење на токсичен чад и сериозни здравствени закани.

Македонија | пред 2 месеци

Министерството за здравство со препораки за граѓаните поради загадениот воздух

Институтот за јавно здравје, преку Министерството за здравство, издаде низа препораки за заштита на здравјето на населението во услови на евентуално загадување на воздухот и можна изложеност на штетни материи, особено поради активните пожари и чадот што се шири над делови од Скопје.Граѓаните кои живеат во подрачја каде постои ризик од загаден воздух се советуваат да останат во затворени простории со затворени прозорци и врати, како и да ги исклучат системите за вентилација и климатизација кои вовлекуваат надворешен воздух.Особено ранливи категории се лицата со респираторни заболувања, децата, старите лица и бремените жени, кои треба да избегнуваат активности на отворено. При неопходно движење во близина на опожарени подрачја, се препорачува користење соодветни заштитни маски.Установите за згрижување стари лица се повикани да преземат дополнителни мерки за минимизирање на изложеноста на нивните корисници, а сите граѓани да бидат внимателни на симптоми како кашлица, отежнато дишење, главоболка или иритација на очи, нос и грло. При појава на вакви симптоми, се препорачува веднаш да се побара медицинска помош.Граѓаните исто така треба да се воздржат од контакт или приближување до отпад во погодените подрачја сѐ додека надлежните институции не дозволат пристап, како и редовно да ги следат официјалните информации и ажурирања за квалитетот на воздухот.Од Министерството потенцираат дека целта на овие мерки е намалување на непосредните здравствени ризици и заштита на целата заедница, додавајќи дека граѓаните мора строго да ги почитуваат инструкциите на јавноздравствените институции и службите за итна помош, вклучително и евентуални насоки за евакуација.

Скопје | пред 2 месеци

Филипче: Срамен е молкот на институциите, граѓаните во Трубарево да носат маски и да не излегуваат без потреба

Претседател на СДСМ, Д-р Венко Филипче, преку својот профил на Фејсбук упати јавна реакција за пожарот во фабрика за акумулатори во Трубарево и за потенцијалната опасност по здравјето на граѓаните.„Институциите итно мора да излезат со точни податоци дали и колку е загаден воздухот во и околината на Трубарево. Страшен е молкот и доцнењето во препораките, особено од здравствените власти“, напиша Филипче.Тој предупреди дека дел од информациите укажуваат на горење на литиумски батерии и друг опасен отпад.„Загрижувачки се дел од информациите кои пристигаат дека горат литиумски батерии и друг отпад кој е исклучително опасен“, рече Филипче.Во исчекување на официјални информации, Филипче упати конкретни совети до граѓаните во погодените подрачја:„Препорачувам граѓаните во Трубарево и околните населби да носат маски, да не престојуваат на отворено без итна потреба и да земаат антиоксиданси за превенција“, истакна тој.Филипче ја осуди и реакцијата на надлежните институции, нарекувајќи ја „неодговорна и апсурдна“.„Апелирам до властите – крајно е неодговорно да се молчи во вакви случаи. Исто така е крајно неодговорно наместо решенија, одговорните да измислуваат приказни за хибридни напади, политички потпалени пожари и слично. Ова е надвор од секој здрав разум“, посочи Филипче.

Македонија | пред 2 месеци

(Видео) Министерот за животна средина си тера кампања, додека во Скопје се случува еколошка катастрофа

Додека густ токсичен чад од пожарот во магацин за отпад во скопската населба Трубарево се шири над градот, министерот за животна средина и просторно планирање и вицепремиер, Изет Меџити, си ја тера својата предизборна кампања во Чаир.Средбите, Меџити ги прави во исто време додека и натаму гори складиштето, а истите ги споделува и во живо на социјалните мрежи. Токму Министерството за животна средина со кое тој раководи, ги издава дозволите за работа на вакви објекти, како што е запалениот, а врши и контроли. View this post on Instagram A post shared by Скопје1 / Skopje1.mk (@skopje1mk)Во исто време, жителите на Трубарево и околните населби алармираа за здравствени проблеми поради чадот – печење на очите, тешкотии при дишењето и страв од долгорочни последици.Контрастот меѓу еколошката катастрофа на терен и политичкиот митинг на првиот човек задолжен за животната средина предизвика остри реакции во јавноста. Граѓани и активисти јавно прашуваат како е можно министерот да избере партиска активност пред итна посета на локацијата погодена од пожарот.

Скопје | пред 2 месеци

Шест месеци од трагедијата во „Пулс“: Мајката на Ивона со потресна порака

Стојка Антова, мајката на загинатата Ивона во пожарот во дискотеката „Пулс“ во Кочани, каде животот го загубија 62 млади лица, денеска се огласи со емотивна објава на социјалните мрежи по повод шест месеци од трагедијата.„6 месеци без моето Ивонче. Шест месеци одам на гроб, а виновниците си шетаат... Мене ми ја искорнаа душата, а нив совеста не ги допира. Една беше Ивона – мојот ангел, мојот живот. Ќе ја љубам засекогаш, а правдата ќе дојде – и тогаш ќе боли таму кај што најмногу треба,“ напиша Антова.Објавата предизвика силни реакции во јавноста, потсетувајќи уште еднаш на болката на семејствата кои ги изгубија своите најблиски во најголемата понова трагедија во Македонија. Случајот „Пулс“ сè уште е во тек пред институциите, а родителите на жртвите постојано апелираат за брза и правична разрешница.

Коментари | пред 2 месеци

(Видео) Станува збор за намерно подметнат пожар, чадот е токсичен, се прави смена на пожарникари

Директорот на Дирекцијата за заштита и спасување, Стојанче Ангелов, изјави дека пожарот кој денеска избувна во Трубарево најверојатно е намерно подметнат и го нарече „хибриден напад врз државата“. View this post on Instagram A post shared by Скопје1 / Skopje1.mk (@skopje1mk)„Според мене се работи за намерно подметнат пожар, повеќе од сигурно намерно подметнат пожар, бидејќи не е едноставно да се запали ваков објект. Да се случат волку тешки пожари, кои предизвикуваат големо загадување... се работи за намерно подметнат пожар,“ изјави Ангелов.Тој посочи дека во објектот имало голема количина пластика која предизвикала густ црн, а веројатно и токсичен чад. „Веднаш до нивните објекти има уште два објекти во кои има поголема количина на пластичен отпад, а се делумно зафатени од пожарот. Нашата прва цел е да не се дозволи ширење на пожарот, затоа сите ресурси кои ги имаме во Скопје се насочени тука,“ додаде тој.На терен се распоредени три БТР и еден „Хермелин“, скоро сите возила на скопската Противпожарна служба, како и полициски и армиски хеликоптер, заедно со авион „Ер Трактор“ на ДЗС.„Во овој момент нема повредени лица. Повикани се дополнителни противпожарни камиони, за смена на пожарникарите кои се дел и внатре во чадот со заштитни маски или специјални боци со кислород,“ информираше Ангелов.

Скопје | пред 2 месеци

Министерството за здравство без препораки, велат дека ја следат состојбата со пожарот во Трубарево

Министерството за здравство ја информира јавноста дека внимателно ја следи состојбата со пожарот кој избувна во скопската населба Трубарево. Од институцијата уверуваат дека се во постојана координација со сите надлежни органи и служби.„Службите на Министерството се подготвени за навремено постапување во рамки на своите надлежности, а во зависност од натамошниот тек на настаните,“ соопштија од Министерството.Властите апелираат граѓаните да останат информирани и да ги следат официјалните препораки за заштита на здравјето.

Македонија | пред 2 месеци

Додека едни палат, а други пишуваат соопштенија, граѓаните дишат отров

Скопје уште еднаш се гуши во канцероген чад. Во населбата Трубарево избувна огромен пожар во магацини каде што бил складиран опасен отпад – електронски уреди, батерии, пластика, гуми. Наместо итен системски одговор и заштита на граѓаните, јавноста повторно доби партиски соопштенија, пресметки и меѓусебни обвинувања.Од пожарот се ослободуваат тешки метали и токсични супстанци кои во воздухот стигнуваат директно до домовите на скопјани. Граѓаните во Трубарево веќе со години предупредуваат на несовесното управување со отпадот, а сега нивните стравови се потврдија. Политичарите ја користат трагедијата за дневна пропаганда.Мециновиќ: „Колку богатство може да ве насити?“Пратеникот и кандидат за градоначалник на Скопје, Амар Мециновиќ, на социјалните мрежи остро реагираше на „лицемерието на властите и стручните кругови“ кои со години ја префрлаат вината за загадувањето врз сиромашните.„Одете во Трубарево да видите како изгледа кога гори електронски отпад до градинка,“ порача тој, посочувајќи дека системски регулации и инспекциски надзори воопшто не постојат.Претседателот на СДСМ, Венко Филипче, пак, предупреди дека државата се соочува со „еколошка и безбедносна катастрофа“.„Скопјани дишат канцерогени материи, а институциите се нефункционални,“ порача тој, нагласувајќи дека ова не се изолирани инциденти, туку системски хаос.Од ВМРО-ДПМНЕ со најостар тон го обвинија владејачкото дуо СДСМ–ДУИ дека свесно ги оставиле депониите без контрола и дека зад пожарите стојат политички интереси. „Граѓаните добро знаат: вистинската еколошка катастрофа се вика СДС–ДУИ,“ порачаа од партијата, барајќи итна истрага.Додека чадот од Трубарево се шири над Скопје, партиите се натпреваруваат во меѓусебни обвинувања.Во меѓувреме, додека едни палат, а други пишуваат соопштенија, граѓаните дишат отров.

Скопје | пред 2 месеци

Ѓорѓиевски: Пожарите околу Скопје се подметнати за создавање вештачка криза

Кандидатот за градоначалник на Скопје од ВМРО-ДПМНЕ, Орце Ѓорѓиевски, остро реагираше поради честите пожари на депониите околу главниот град. Тој ја изрази својата загриженост за здравјето на граѓаните и побара институциите итно да постапат.„Го повикувам Министерството за внатрешни работи и Јавното обвинителство да ги превземат сите неопходни мерки за откривање на сите кои се замешани во свесното и намерно потпалување на сите депонии околу главниот град. И ги повикувам да постапат брзо. Институциите треба и мора да делуваат, а здравјето на граѓаните да биде заштитено,“ изјави Ѓорѓиевски.Тој истакна дека постојат основани сомнежи дека пожарите се подметнати со цел создавање на вештачка криза во пресрет на локалните избори. „Никогаш во последните неколку децении не ни се случувало ова, да се палат ридови и сите ѓубришта во радиус од 20 километри околу главниот град. Овие пожари се со цел да се предизвикаат политички пожари. За жал, граѓаните и ние скопјани сме жртви,“ додаде тој.Ѓорѓиевски најави дека негов приоритет по изборите ќе биде воспоставување на систем кој ќе обезбеди чисто и безбедно Скопје, без пожари и загадени депонии. „Имам План за чисто и здраво Скопје. Имаме комунални претпријатија со илјадници вработени, а немаме кој да се грижи за комуналниот ред. На овој напад против животната средина и против здравјето на граѓаните мора да му се стави крај,“ порача кандидатот на ВМРО-ДПМНЕ.

Скопје | пред 2 месеци

Треба да се знае кога горат литиум-јонски батерии најтоксична супстанца која се ослободува е хидроген флуорид, алармира Шанса за Центар

Во рециклаторен центар, соработник на организацијата „Нулта отпад“, избувна пожар во кој, според информациите, се зафатени и литиум-јонски батерии од апарати и возила, како и друг електронски отпад, велат од Шанса за Центар.„Гори рециклаторен центар, соработник на НУЛТА ОТПАД, инаку оваа компанија е овластена за преземање на литиум јонски батерии од апарати и возила, како секаков електронски отпад. Треба да се знае кога горат литиум- јонски батерии најтоксична супстанца која се ослободува е хидроген флуорид (HF), која може да предизвика тешки нарушување на здравјето доколку е во затворен или полузатворен простор. Спореде европската агенција за хемикалии (ECHA) HF е класифициран како многу токсичен, корозивен и опасен за здравјето дури и при ниски концентрации. Покрај HF, при горење на батериите гори и електролитот кој е внатре како и пластиката и амбалажата во која се спакувани. Од нив дополнително се ослободува јаглерод диоксид (CO₂), јаглерод моноксид (CO), соединенија што содржат хлор, азот, сулфур и ред други соединенија кои не се нетоксични.☠️Кога гори електронски отпад во кој многу често има печатени плочки, пропратна пластика и други материјалот како олово (Pb), кадмиум (Cd), хром (Cr), никел (Ni), бакар (Cu) и цинк (Zn) со горењето се создаваат соединенија кои ги содржат овие елементи. Дополнително литиум-јонските батерии при горење развиваат многу високи температури (од 800- па до 1600 степени зависно од јачината) дури прават и мини експлозии. Се надеваме дека пожарникарите се соодветно заштитени“, велат оттаму.

Коментари | пред 2 месеци

Филипче: СДСМ нуди конкретно решение за Вардариште, додека ВМРО-ДПМНЕ молчи и гледа како се трујат граѓаните

„Скопјани повеќе немаат време за чекање и лажни ветувања од ВМРО-ДПМНЕ“, порача претседателот на СДСМ Венко Филипче, кој денеска заедно со кандидатите за градоначалници на Аеродром и Гази Баба, Александар Трајановски и Влатко Митовски, изврши теренска посета на депонијата Вардариште.„Четири години неспособната локална власт на ВМРО-ДПМНЕ не успева да реши една дива депонија што шири зараза и смрт. Ова е врв на неработење, негрижа и криминална рамнодушност“, рече Филипче.Филипче при теренската посета испорача сет конкретни решенија кои ќе се спроведат веднаш по преземањето на одговорноста во локалната власт:Воведување механизација за покривање на отпадот со земја и глина, компактирање и затворање на жариштата за елиминирање на кислород и влага, систем за извлекување и согорување на метанот и формирање стручен штаб со експерти за управување со отпад.„Мора службите на Град Скопје веднаш да добијат задачи за надминување на проблемот со горење на отпадот. Не може Советот на Градот да биде на страна, а скопјани да се гушат“, порача Филипче.Тој потсети дека токму советничката група на СДСМ побарала итно свикување на седница за Вардариште, но ВМРО-ДПМНЕ молчи.

Скопје | пред 2 месеци