Дваесетгодишната студентка Ана Радовиќ од Златибор исчезнала на пат кон Белград, каде што живее и студира. Од домот тргнала сама, но никогаш не пристигнала на својата дестинација.
Случајот е објавен на страницата „Исчезнати во Србија“, а службите во меѓувреме трагаат и по автомобил за кој очевидци пријавиле дека завршил во езерото Меѓувршје со две лица во него. Поради оваа дојава, вчера беше спроведена опсежна акција за пребарување на теренот.
Последен пат Ана се јавила на својот брат додека се движела во реонот на Чачак.
Младата девојка е висока околу 170 сантиметри и има светлозелени очи. Семејството и пријателите упатуваат апел до сите што располагаат со каква било трага да се јават на надлежните служби.