Полицијата во Струмица уапси две лица кои со возила превезувале бесправно исечени огревни дрва без соодветна документација. Возилата и дрвата им се одземени, а против нив ќе бидат поднесени кривични пријави.
На 17.09.2025 во 21:00 часот на брана „Водоча“, струмичко, полициски службеници од СВР Струмица го лишија од слобода А.Д.(44) од село Рич, струмичко. При контрола на патничко возило „киа“ со бугарски национални ознаки, управувано од А.Д., констатирано е дека во возилото превезува бесправно исечени огревни дрва без соодветна документација.
Истиот ден во 22:20 часот на брана „Водоча“ од слобода е лишен и С.И.(45) од Струмица, кој во товарно возило „фиат“ со струмички регистарски ознаки, исто така, превезувал бесправно исечени огревни дрва без соодветна документација.
Лицата се задржани во Полициската станица Струмица, за настаните е запознаен јавен обвинител од Основното јавно обвинителство Струмица. Од Шумска полиција Струмица возилата и дрвата се одземени и по целосно документирање на случаите против лицата ќе бидат поднесени соодветни пријави.
